texnomart

Компания

Компания

“Texnomart” МЧЖ 2008 йил жаҳон молиявий инқирози даврида ташкил этилган йирик савдо тармоғи бўлиб, Ўзбекистон бўйлаб йирик ва кичик маиший техника, электроника сотишга ихтисослашган. Компаниянинг бош офиси Тошкент шаҳрида жойлашган.

 

Тарихи

 

2008. — Компаниянинг ташкил топиши. Бу йил Тошкент шаҳрининг марказида жойлашган Миробод бозори ёнидан 380 кв.метр майдонга эга бўлган биринчи дўкон очилди. Дастлабки бир неча йиллар давомида фақат маиший техника савдоси билан шуғулланган ва дўконга яқин бўлган ҳудудлараро мижозларга ҳизмат кўрсатган;

 

2009 - 2010 йилларда 3 та талабларга жавоб бера оладиган дўконлар очилди. Шахарда янги савдо нуқталарини очилиши, тармоқли дўкон бўлиш йўлидаги дастлабки қадамлар эди;

 

2010. — Юнусобод туманида ҳисоб бўйича учинчи дўкон очилди

 

2011. — Чилонзор тумани, Фарҳод бозори яқинида жойлашган  5-дўкон бўлажак харидорлари учун эшикларни очди.

 

2012. — Яшнобод тумани, Бешариқ (Кадышева) кўчасида 6-чи савдо дўкони очилди.

 

2014. — Муддатли тўловни онлайн расмийлаштириш хизматига эга бўлган, онлайн дўкон ташкил топди;  шу йил 6 феврал санасида Чилонзор туманида 7 дўкон очилди;

 

2016. — Компанияда кенг кўламли ребрендинг ўтказилди, «technomart» номидан ҳозирги расмий бренд номига ўзгартирилди, нафақат корпоратив услуби балки бутун бренд позицияси қайтадан янгиланди. Катта миқёсдаги реклама компаниялари билан бирга алоқа каналларида рекламалар хуружи (агрессив): ТВ, ташқи реклама, интернет-реклама амалга оширилди.

 

Интеграциялашган маркетинг ёндашуви   натижалари самарали ва кутилганидан юқори бўлди; доимий тадқиқотлар, бозор ва истеъмолчи таҳлиллари кейинги муҳим қадамга олиб келди.

 

2017. — Ўзбекистон Республикаси шаҳарларида бренд дўконлари очила бошлади; 9-апрел куни “Малика” савдо мажмуасида 9-дўкон, 8-октябрда Фарғона шаҳридаги 10-дўкон, 1-декабрда эса Паркент бозоридаги 11-дўкон очилди.

 

2018. — Янги «Extra» форматидаги дўконлар ишга туширилди, унга кўра энди нафақат маиший техника балки мебеллар ҳам сотувга қўйилган. 2018 йил  савдо ўсиши ўтган йилга нисбатан 219% ни ташкил этди. 5 март -YouTube шахсий каналига старт берилди. 23 июль куни Чирчиқ шаҳрида ўн иккинчи савдо дўкони, Наманган шаҳрида 7 октябр, ўн учинчи, 4 ва 25 ноябр кунлари  ГУМ ва “Compass” савдо мажмуасида, 9 декабрда Андижон шаҳрида савдо дўконлари ишга туширилди.

 

2019.“Mini” форматидаги дўконлар ишга туширилди. (2019-йилда 2018-йилга нисбатан ўсиш 300% дан ортиқ); 4 май куни 17-сонли “Эски шаҳар” дўкони очилди, 23 июн куни “Юнусобод-2” 18-сонли иккинчи савдо шохобчаси очилди, 15 август  Бағдод шаҳар посёлкасида 19-сон, 8 декабрда 20-сон “Орзу”.

 

2020. —  8-март, Андижон шаҳрида 21-сонли иккинчи доʻкон ўз мижозлари учун эшикларини очди, 28-август 22-сон “Rivera” савдо кўнгилочар маркази, 20- сентябрь, тарихий Самарқанд шаҳридаги 23-сон, 7-октябрь 24-сон “Ecopark”

 

2021. — 13 та савдо шохобчаси ишга туширилди; 10-февраль 25-сон “Сампи”, 11-апрел, Бухоро шаҳри 26-сон, 25 июнь Сергели тумани  27-сон, 1 август 28-сон Андижон-3, 3 сентябрь Учкўприк, 13 ноябрь 30-сон “Depo” савдо кўнгилочар маркази ва бошқалар.

 

2022. 28.05.2022 й. 31-сон Сергели-2, 02.07.2022 й. 32-сон Бешариқ, 06.08.2022 й. 33-сон Паркентский, 02.09.2022 й. 34-сон Тошлоқ, 04.09.2022-й. Чилонзор метро яқинидаги “Integro” савдо кўнгилочар маркази, 25.09.2022 Келес 37-сон, 26.11.2022 Чуст 38-сон, 14-ноябрь 39-сон Шаҳрихон шаҳри (Андижон вилояти), 10 декабрь Нукус шаҳрида қирқинчи дўкон очилди.

 

2023. — Ритейлер, тахминий ҳисоб-китобларга кўра, Республикада барча маъмурий марказларда ва барча вилоятлардаги йирик шаҳарларда мавжуд бўлган ялпи савдо майдони 33 000 квадрат метрдан ортиқ бўлган 66 та филиалига эга.

 

Маркетплейс билан бирга

Расмий равишда, 2021-йил 14-сентябрда Украина ва Молдованинг энг йирик халқаро онлайн-ритейлери Розетка Texnomart нинг умумий кўмагида бозорга чиқди. Худди шу йилнинг кузида онлайн буюртмаларни қабул қилиш ва пойтахтнинг бир неча оффлайн ҳудудларида махсулотларни тарқатиш йўлга қўйилди. Маркетплейс бозорни узоқ вақтдан бери, ҳеч бўлмаганда оммавий равишда, бир неча ой давомида кузатди. Ёз бошида компания келажакдаги истеъмолчининг эҳтиёжлари, маданияти ва менталитетининг ўзига хос хусусиятларини ўрганаётганини тасдиқлади.

 

Компания шахсий тўлов тизимини ва фулфилмент хизматини - сақлаш, қайта ишлаш, бозорда сотувчилар учун товарларни етказиб беришни жорий қила бошлади. Владислав Чечеткиннинг сўзларига кўра, Ўзбекистонда – ҳамкорлардан тортиб давлатгача – барчаси янги иш ўринлари яратиш, йирик қатнашчи пайдо бўлишидан манфаатдор.

 

“Розетка маълум вақтдан бери Ўзбекистонда фаолият юритмоқда. Ҳар доимгидек, прогнозларимда жуда эҳтиёткорман, лекин бу 35 миллионлик аҳолига эга мамлакатнинг ҳаракатдаги бозори ва биз режалаштирганимиздан ҳам тезроқ ривожланаётганга ўхшайди. Тошкентда иккита товар бериш пункти ишламоқда ва бепул курерлик етказиб бериш мавжуд.  Яна тўртта шохобча очиб, вилоятларга чиқишни режалаштирганмиз – Самарқанд, Наманган, Андижон, Бухоро ва Фарғонадан катта сўровни кўряпмиз”, — деб ёзди В.Чечеткин Facebook саҳифасида.

 

4-октябрь 2022-йил Розетка Ўзбекистондаги фаолиятини бутунлай тўхтатди ва уз домен зонасидаги маҳаллий веб-сайтни ўчириб қўйди. Компания бир йил давомида маҳаллий бозорда ишлашга муваффақ бўлди ва ҳатто ҳудудларга кенгайтириш режаларини ҳам тузди. Фаолиятларнинг тўхтатилиши ҳақидаги биринчи хабарлар тахминан cентябрь ойининг охирида пайдо бўлди. Сайт манзили очилганда у Украина сайтига йўналтирилди ва иловалар мавжуд маркетплейслардан ғойиб бўлди.

 

Ижтимоий акция

 

Кўп ҳолларда Ўзбекистоннинг жазирама ёзида кондиционер жуда керак бўлади. Ёзда деразадан ташқаридаги ҳарорат тўғридан-тўғри нурлар остида +60º гача етиши мумкин. Ва май ойидан бошлаб бутун телевизион кўрсатувлар кондиционерлар рекламаси билан тўлиб кетиши ажабланарли эмас.

 

Корхона 2019 йил ижтимоий акция орқали реклама қилинаётган маҳсулотларнинг шунчаки техник хусусиятлари ва оддийгина нархларни таққослаш ўрнига, Lokals агентлиги билан биргаликда кондиционерларнинг афзалликларини яъни одамларнинг жазирамадаги ҳолатлари ва кондиционер ўрнатилган уйда енгил нафас олганликларини ҳаридорларга яққол кўрсата олишди.

 

Ушбу ғоя ўзбекларнинг бирор нарса ёқмаса “Ээээээ” дейишига ва аксинча, бирор нарса ёқса “Ўўўўўў ” дейишга одатланганлигидан келиб чиқган ҳолатда эди. Ретейлер кондиционерлар савдосини 310% га оширди ва бу ўсишни кейинги чоракда ҳам сақлаб қолди. Ушбу ижодий ёндашув натижасида 2019-йилда Red Jolbors  реклама ва маркетинг фестивалида олтин ва кумуш ўринларини эгаллагани бўлди.

 

Халқаро хотин-қизлар куни арафасида Texnomart жамоаси ҳамда Lokals билан биргаликда Халқаро хотин-қизлар куни учун фақат миксерлар, чангютгичлар ва бошқа ошхона анжомлари мақбул совға эмаслигини таъкидладилар. Ҳуддики бу  - уй бекаларининг куни. Шу боис, 2019 ва 2023-йилларнинг 8-март кунлари Texnomart дўконлари маиший техникани совға сифатида сотишдан бош тортди ва эркакларга смартфонлар, стайлерлар, ақлли соатлар ва ноутбуклар каби индивидуал совғаларга эътибор беришни таклиф қилди.

 

ОАВ  пресс-релизларда « Биз биламизки эркаклар севган аёлларига кутилмаган совға сифатида маиший течникани айнан унунг функциялари учунгина эмас. Йўқ, аксинча улар кундалик ташвишларни енгиллаштиришга ҳаракат қилишади, кўпинча қўлда ювиш қанчалик қийинлигини ёки дазмол бази вақтларда севимли кўйлак ёки блузкасини куйдириб қўйганлиги ҳақида эшитишади. Шунинг учун маиший қийинчиликларни бартараф этиш мақсадида ушбу турдаги ҳаридларни амалга оширишга қарор қиладилар ",- дея айтиб ўтилган.

 

Бундай вазиятда биз маишй техника, аёлнинг турмушдаги бурчини қанчалик енгиллаштирмасин, бутун оила манфаати учун хизмат қилишига жамоатчилик эътиборини қаратишга ҳаракат қилдик: овқат тайёрланади, кийим ювилади, тоза ва озода уй эса бутун оила учун, фақат аёл учун эмас.

 

 

Энг муҳими, бутун мамлакат бўйлаб минглаб аёллар қўллаб-қувватланди, бренд миннатдор хонимлар томонидан кўплаб ижобий шарҳлар олди ва акция 1,5 миллиондан ортиқ кишини қамраб олди.

 

Ижтимоий фаолият

 

Яқинда “ОНА” жамоат фонди замонавий жиҳозларга муҳтож бўлган тўртта умумтаълим мактаби ҳақида ҳикоя қилди. Демак, 1082 нафар ўқувчи таҳсил олаётган 21-мактабда бундан 17 йил аввал атиги 13 та компьютер ўрнатилган. 43-сонли мактаб ҳам технология бўйича ёрдамга муҳтож – улар узоқ вақтдан буён бу ерда бепул IT тўгараги очишни режалаштирган, 1867 нафар ўқувчига бор йўғи 15 та компьютер ажратилган.

 

« Фарзандларимиз фаол ва қизиқувчан, ҳамма нарсани билишни ҳоҳлайдилар. Юқори технологиялар, роботлар, янги ишланмалар ҳақида гап кетганда уларнинг кўзлари чақнайди. Бундай болалар билан завқ билан ишлайман ва бундан ҳам фойдали билимлар беришни, уларга янги техналогияларнинг сирларини ўргатишни истайман. Шу сабабдан биз болажонларимиз учун  IT тўгаракларини яратишни истадик. Тўғри, компьютерсиз бунинг иложи йўқ, - дейди наманганлик ўқитувчи вазият ҳақида.

 

Мурожаатга Texnomart* ва “Payme” тўлов тизими жавоб қайтарди, “Payme Mahalla” лойиҳасининг иккинчи босқичи муаммонинг ечимига айланди. Тўлов тизими фойдаланувчилари уч кун ичида 500 000 000 балл тўплашди. Хайрия тадбирида 5800 га яқин киши иштирок этиб, тўпланган балл билан 12 000 дан ортиқ хайрия амалга оширилган.

 

 

“Texnomart”, “Payme” ва “Она” жамғармаси ҳамкорликда Наманган вилоятидаги тўртта мактабда информатика кабинетларини 50 та компьютер билан жиҳозлади. “Payme маҳалла” акцияси чекка ҳудудлардаги мактабларга иккинчи маротаба ёрдам бермоқда. Акциянинг биринчи босқичида Қорақалпоғистонлик ўқувчиларга замонавий компьютерлар топширилган эди. 2000 дан ортиқ илова фойдаланувчиларининг саъй-ҳаракатлари туфайли 385 нафар ўқувчи энди янги қурилмаларда ўз билимларини оширмоқдалар.

 

Бундай ташаббуслар фуқароларни бирлаштиради. Бундан ташқари, брендлар билан ҳамкорлик қилиш орқали одамлар муайян хайрия ташкилотларига ишончсизлик муаммосини ҳал қилишади. Бренднинг ўзи уларни текшириш билан шуғулланади. Шундай қилиб, фуқароларнинг компаниялар билан самарали ҳамкорлиги таъминланади, бу  ерда ҳамма фойдали бўлиши ва ҳар томонлама ёрдам бериши мумкин.

 

“Texnomart” жамият учун аҳамиятли лойиҳаларда фаол иштирок этади. Компания мунтазам равишда донорлик учун қон топширади, хайрия пойгаларида қатнашади, ижтимоий ташаббусларни қўллаб-қувватлайди. Жаҳон болаларни ҳимоя қилиш кунига бағишланган “Қизиқарли ёз” кўрик-танлови бунга ёрқин мисолдир. Махсус Телеграм бот орқали ота-оналар фарзандларининг ёзни қандай ўтказишни ҳоҳлашлари ҳақидаги қўлёзма хатлари билан бўлишдилар.

 

 

“Texnomart” хат юборган барча 139 боланинг орзуларини рўёбга чиқарди. Уларнинг ҳар бирига қизиқарли ёз ва унутилмас тажриба яратиш имконияти берилди. Болалар ўз хоҳишларига кўра рақс ва спорт тўгараклари, тил ва математика курслари, пазандачилик ва чизмачилик тўгаракларига сертификатлар ҳамда оромгоҳга йўлланмалар олдилар.

 

“Биз Ўзбекистонликларга нафақат ускуналар олиш ва улардан фойдаланиш имкониятини яратмоқчимиз. Биз учун мижозларга ҳақиқий фойда келтириш ва уларнинг ҳаётини осонлаштиришга ёрдам бериш муҳим. Одамларнинг хоҳиш-истакларини эшитиш ва уларни ҳал этишда кўмаклашиш минтақавий бренд сифатида бизнинг қўлимизда. Худди шу нарса ижтимоий фаолиятга ҳам тегишли. Жамиятга ёрдам берадиган ресурсларимиз мавжуд ва бу бизнинг бурчимиз деб ҳисоблаймиз. Шу боис, биз ҳамиша мавжуд хайрия акцияларига қўшилиш тарафдоримиз, Pаyme Mahalla лойиҳасида бўлгани каби, биз ҳам йилига камида бир марта ўзимизнинг ижтимоий ташаббусларимизни ташкил этишга ҳаракат қиламиз”- деди  “Texnomart” бош директори Зайниддин Шамсиддинов

 

Дўконлар турлари

 

«Extra» –  бу ўртача турдаги дўкондан майдон жиҳатдан анча катта. Нафақат маиший техника, балки  юмшоқ мебеллар, офис, ошхона мебеллари ҳамда ҳаёт учун зарур бўлган бошқа товарлар сотиладиган дўкон.

 

«Standart» – уй яқинидаги маиший техника ва электроника дўкони. Қулай жойлашув, бозорлар ва профессионал маслаҳатчилардан фарқли равишда ёқимли интерьер.

 

«Mini» – бу савдо марказлари ва одамлар гавжум жойларда жойлашган унча катта бўлмаган ихчам дўконлар. Ассортимент смартфонлар, компютер техникаси, гаджетлар ва телевизорлардан иборат.

 

Ютуқлар ва мукофотлар

 

«Йил Бренди» Adweek  — ҳар йили ўтказиладиган реклама ва маркетинг конкурси.

 

«Adweek» 2018 — Шахсий услуб; дўкон интерьери; Print and outdoor.

 

«Adweek» 2019 — Йил бренди 2019

 

«Йил ютуғи» — Adweek

 

«Йил мижози» 2019 — Red Jolbors фестивали

 

«Йил мижози» «TAF!» — 2019

 

chat-open