texnomart

    Kompaniya

    Kompaniya

    “Texnomart” MChJ 2008 yil jahon moliyaviy inqirozi davrida tashkil etilgan yirik savdo tarmog’i bo’lib, O’zbekiston bo'ylab yirik va kichik maishiy texnika, elektronika sotishga ixtisoslashgan. Kompaniyaning bosh ofisi Toshkent shahrida joylashgan.

     

    Tarixi

    2008. — Kompaniyaning tashkil topishi. Bu yil Toshkent shahrining markazida joylashgan Mirobod bozori yonidan 380 kv.metr maydonga ega bo’lgan birinchi do’kon ochilgan. Dastlabki bir necha yillar davomida faqat maishiy texnika savdosi bilan shug’ullangan va do’konga yaqin bo'lgan hududlararo mijozlarga hizmat ko'rsatgan;

     

    2009 yildan 2010 yilga qadar 3 ta talablarga javob bera oladigan do’konlar ochildi. Shaxarda yangi savdo nuqtalari ochilishi, tarmoqli do’kon bo’lish yo’lidagi dastlabki qadamlar edi;

     

    2010. — Yunusobod tumanida hisob bo’yicha uchinchi do’kon ochildi

     

    2011. — Chilonzor tumani, Farhod bozori yaqinida joylashgan  5-do’kon bo’lajak xaridorlari uchun eshiklarni ochdi.

     

    2012. — Yashnobod tumani, Beshariq (Kadysheva) ko’chasida 6-chi savdo do’koni ochildi.

     

    2014. — Muddatli to’lovni onlayn rasmiylashtirish xizmatiga ega bo’lgan, onlayn do’kon tashkil topgan;  shu yil 6 fevral sanasida Chilonzor tumanida 7-chi do’kon ochilgan;

     

    2016. — Kompaniyada keng ko’lamli rebrending o’tkazildi, «technomart» nomidan hozirgi rasmiy brend nomiga o’zgartirildi, nafaqat korporativ uslubi balki butun brend pozitsiyasi qaytadan yangilandi. Katta miqyosdagi reklama kompaniyalari bilan birga aloqa kanallarida reklamalar xuruj qiluvchi (agressiv): TV, tashqi reklama, internet-reklama amalga oshirildi.

     

    Integratsiyalashgan marketing yondashuvi natijalari samarali va  kutilganidan yuqori bo'ldi; doimiy tadqiqotlar, bozor va iste'molchi tahlillari keyingi muhim qadamga olib keldi.

     

    2017. — O‘zbekiston Respublikasi shaharlarida brend do’konlari ochila boshladi; 9-aprel kuni “Malika” savdo majmuasida 9-do’kon, 8-oktabrda Farg’ona shahridagi 10-do’kon, 1-dekabrda esa Parkent bozoridagi 11-do‘kon ochildi.

     

    2018. — Yangi «Extra» formatidagi do’konlarni ishga tushirdik, unga ko’ra endi nafaqat maishiy texnika balki mebellar ham sotuvga qo’yilgan. 2018 yil  savdo o'sishi o'tgan yilga nisbatan 219% ni tashkil etdi. 5 mart - shaxsiy youtube kanaliga start berildi. 23 iyul kuni Chirchiq shahrida o‘n ikkinchi savdo do’koni, Namangan shahrida 7 oktyabr, o’n uchinchi, 4 va 25 noyabr kunlari  GUM va “Compass” savdo majmuasida, 9 dekabrda Andijon shahrida savdo do’konlari ishga tushirildi.

     

    2019. — “Mini” formatidagi do’konlar ishga tushirildi. (2019-yilda 2018-yilga nisbatan oʻsish 300% dan ortiq); 4 may kuni 17-sonli “Eski shahar” do‘koni ochildi, 23 iyun kuni “Yunusobod-2” 18-sonli ikkinchi savdo shoxobchasi ochildi, 15 avgust  Bag‘dod shahar posyolkasida 19-son, 8 dekabrda 20-son “Orzu”.

     

    2020. —  8-mart, Andijon shahrida 21-sonli ikkinchi doʻkon o’z mijozlari uchun eshiklarini ochdi, 28-avgust 22-son “Rivera” savdo ko’ngilochar markazi, 20-sentabr, tarixiy Samarqand shahridagi 23-son, 7-oktabr 24-son “Ecopark”

     

    2021. — 13 ta savdo shoxobchasi ishga tushirildi; 10-fevral 25-son “Sampi”, 11-aprel, Buxoro shahri 26-son, 25 iyun Sergeli tumani  27-son, 1 avgust 28-son Andijon-3, 3 sentyabr Uchko‘prik, 13 noyabr 30-son “Depo” savdo ko’ngilochar markazi va boshqalar.

     

    2022. 28.05.2022 y. 31-son Sergeli-2, 02.07.2022 y. 32-son Beshariq, 06.08.2022 y. 33-son Parkentskiy, 02.09.2022 y. 34-son Toshloq, 04.09.2022-y. Chilonzor metro yaqinidagi “Integro” savdo ko’ngilochar markazi, 25.09.2022 Keles 37-son, 26.11.2022 Chust 38-son, 14-noyabr 39-son Shahrixon shahri (Andijon viloyati), 10 dekabr Nukus shahrida qirqinchi do'kon ochildi.

     

    2023. — Riteyler, taxminiy hisob-kitoblarga ko'ra, Respublikada barcha ma'muriy markazlarda va barcha viloyatlardagi yirik shaharlarda mavjud bo'lgan yalpi savdo maydoni 33 000 kvadrat metrdan ortiq bo'lgan 66 ta filialiga ega.

     

     

    Marketpleys bilan birga

    Rasmiy ravishda, 2021-yil 14-sentabrda Ukraina va Moldovaning eng yirik xalqaro onlayn-riteyleri Rozetka Texnomart’ning umumiy ko‘magida bozorga chiqdi. Xuddi shu yilning kuzida onlayn buyurtmalarni qabul qilish va poytaxtning bir necha offlayn hududlarida maxsulotlarni tarqatish yo’lga qo’yildi. Marketpleys bozorni uzoq vaqtdan beri, hech bo'lmaganda ommaviy ravishda, bir necha oy davomida kuzatmoqdi. Yoz boshida kompaniya kelajakdagi iste'molchining ehtiyojlari, madaniyati va mentalitetining o'ziga xos xususiyatlarini o'rganayotganini tasdiqladi.

     

    Kompaniya shaxsiy to'lov tizimini va fulfilment xizmatini - saqlash, qayta ishlash, bozorda sotuvchilar uchun tovarlarni yetkazib berishni joriy qila boshladi. Vladislav Chechetkinning so‘zlariga ko‘ra, O‘zbekistonda – hamkorlardan tortib davlatgacha – barchasi yangi ish o‘rinlari yaratish, yirik qatnashchi paydo bo‘lishidan manfaatdor.

     

    Rozetka ma’lum vaqtdan beri O‘zbekistonda faoliyat yuritmoqda. Har doimgidek, prognozlarimda juda ehtiyotkorman, lekin bu 35 millionlik aholiga ega mamlakatning harakatdagi bozori va biz rejalashtirganimizdan ham tezroq rivojlanayotganga o'xshaydi. Toshkentda ikkita tovar berish punkti ishlamoqda va bepul kuryerlik yetkazib berish mavjud.  Yana to‘rtta shoxobcha ochib, viloyatlarga chiqishni rejalashtirganmiz – Samarqand, Namangan, Andijon, Buxoro va Farg‘onadan katta so‘rovni ko‘ryapmiz, — deb yozdi V.Chechetkin Facebook sahifasida.

     

    4-oktabr 2022-yil Rozetka O‘zbekistondagi faoliyatini butunlay to‘xtatdi va uz domen zonasidagi mahalliy veb-saytni o‘chirib qo‘ydi. Kompaniya bir yil davomida mahalliy bozorda ishlashga muvaffaq bo'ldi va hatto hududlarga kengaytirish rejalarini ham tuzdi. Faoliyatlarning to'xtatilishi haqidagi birinchi xabarlar taxminan sentyabr oyining oxirida paydo bo'ldi. Sayt manzili ochilganda u Ukraina saytiga yo'naltiriladi va ilovalar mavjud marketpleyslardan g'oyib bo'ldi.

     

    Ijtimoiy aksiya

     

    Ko’p hollarda O’zbekistonning jazirama yozida konditsioner juda kerak bo’ladi. Yozda derazadan tashqaridagi harorat to'g'ridan-to'g'ri nurlar ostida +60º gacha yetishi mumkin. Va may oyidan boshlab butun televizion ko'rsatuvlar konditsionerlar reklamasi bilan to'lib ketgani ajablanarli emas.

     

    Korxona 2019 yil ijtimoiy aksiya orqali reklama qilinayotgan mahsulotlarning shunchaki texnik xususiyatlari va oddiygina narxlarni taqqoslash orniga, Lokals agentligi bilan birgalikda konditsionerlarning afzalliklarini ya'ni odamlar jaziramadagi holatlari va konditsioner o’rnatilgan uyda yengil nafas olganliklarini haridorlarga yaqqol ko’rsata olishdi.

     

    Ushbu g‘oya o‘zbeklarning biror narsa yoqmasa “Eeeee” deyishiga va aksincha, biror narsa yoqsa “O’o’o’o’ ” deyishga odatlanganligidan kelib chiqgan holatda edi. Reteyler konditsionerlar savdosini 310% ga oshirdi va bu o'sishni keyingi chorakda ham saqlab qoldi. Ushbu ijodiy yondashuv cho’qqisi 2019-yilda Red Jolbors saytidagi reklama va marketing festivalida oltin va kumush o’rinlarini egallagani bo'ldi.

     

    Xalqaro xotin-qizlar kuni arafasida Texnomart jamoasi hamda Lokals bilan birgalikda Xalqaro xotin-qizlar kuni uchun faqat mikserlar, changyutgichlar va boshqa oshxona anjomlari maqbul sovg‘a emasligini ta’kidladilar. Huddiki bu  - uy bekalarining kuni. Shu bois, 2019 va 2023-yillarning 8-mart kunlari Texnomart do’konlari maishiy texnikani sovg‘a sifatida sotishdan bosh tortdi va erkaklarga smartfonlar, staylerlar, aqlli soatlar va noutbuklar kabi individual sovg‘alarga e’tibor berishni taklif qildi.

     

    OAV  press-relizlarda « Biz bilamizki erkaklar sevgan ayollariga kutilmagan sovg’a sifatida maishiy technikani aynan uning funksiyalari uchungina emas.Yo’q. Aksincha ular kundalik tashvishlarni engillashtirishga harakat qilishadi, ko'pincha qo'lda yuvish qanchalik qiyinligini yoki dazmol bazi vaqtlarda sevimli ko'ylak yoki bluzkasini kuydirib qo’yganligi haqida eshitishadi. Shuning uchun maishiy qiyinchiliklarni bartaraf etish maqsadida ushbu turdagi haridlarni amalga oshirishga qaror qiladilar ",- deya aytib o’tilgan.

     

    Bunday vaziyatda biz maishy texnika, ayolning turmushdagi burchini qanchalik yengillashtirmasin, butun oila manfaati uchun xizmat qilishiga jamoatchilik e’tiborini qaratishga harakat qildik: ovqat tayyorlanadi, kiyim yuviladi, toza va ozoda uy esa butun oila uchun, faqat ayol uchun emas.

     

     

    Eng muhimi, butun mamlakat bo'ylab minglab ayollar qo'llab-quvvatlandi, brend minnatdor xonimlar tomonidan ko'plab ijobiy sharhlar oldi va aksiya 1,5 milliondan ortiq kishini qamrab oldi.

     

    Ijtimoiy faoliyat

     

    Yaqinda “ONA” jamoat fondi zamonaviy jihozlarga muhtoj bo‘lgan to‘rtta umumta’lim maktabi haqida hikoya qildi. Demak, 1082 nafar o‘quvchi tahsil olayotgan 21-maktabda bundan 17 yil avval atigi 13 ta kompyuter o‘rnatilgan edi. 43-sonli maktab ham texnologiya bo‘yicha yordamga muhtoj – ular uzoq vaqtdan buyon bu yerda bepul IT to‘garagi ochishni xohlashgan, 1867 nafar o‘quvchiga bor yo’g’i 15 ta kompyuter ajratilgan.

     

    « Farzandlarimiz faol va qiziquvchan, hamma narsaga bilishni hohlaydilar. Yuqori texnologiyalar, robotlar, yangi ishlanmalar haqida gap ketganda ularning ko‘zlari chaqnaydi. Bunday bolalar bilan zavq bilan ishlayman va bundan ham foydali bilimlar berishni, ularga yangi texnalogiyalarning sirlarini o'rgatishni istayman. Shu sababdan biz bolajonlarimiz uchun  IT to’garaklarini yaratishni hohladik. To'g'ri, kompyutersiz buning iloji yo'q, - deydi namanganlik o'qituvchi vaziyat haqida.

     

    Murojaatga Texnomart* va “Payme” toʻlov tizimi javob qaytardi, “Payme Mahalla” loyihasining ikkinchi bosqichi muammoning yechimiga aylandi. To‘lov tizimi foydalanuvchilari uch kun ichida 500 000 000 ball to‘plashdi. Xayriya tadbirida 5800 ga yaqin kishi ishtirok etib, to'plangan ball bilan 12 000 dan ortiq xayriya amalga oshirilgan.  
     

     

    “Texnomart”, “Payme” va “Ona” jamg‘armasi hamkorlikda Namangan viloyatidagi to‘rtta maktabda informatika kabinetlarini 50 ta kompyuter bilan jihozladi. “Payme mahalla” aksiyasi chekka hududlardagi maktablarga ikkinchi marotaba yordam bermoqda. Aksiyaning birinchi bosqichida Qoraqalpog‘istonlik o‘quvchilarga zamonaviy kompyuterlar topshirilgan edi. 2000 dan ortiq ilova foydalanuvchilarining sa'y-harakatlari tufayli 385 nafar o’quvchi endi yangi qurilmalarda o’z bilimlarini oshirmoqdalar.

     

    Bunday tashabbuslar fuqarolarni birlashtiradi. Bundan tashqari, brendlar bilan hamkorlik qilish orqali odamlar muayyan xayriya tashkilotlariga ishonchsizlik muammosini hal qilishadi. Brendning o'zi ularni tekshirish bilan shug'ullanadi. Shunday qilib, fuqarolarning kompaniyalar bilan samarali hamkorligi ta'minlanadi, bu yerda hamma foydali bo'lishi va har tomonlama yordam berishi mumkin.

     

    “Texnomart” jamiyat uchun ahamiyatli loyihalarda faol ishtirok etadi. Kompaniya muntazam ravishda donorlik uchun qon topshiradi, xayriya poygalarida qatnashadi, ijtimoiy tashabbuslarni qo‘llab-quvvatlaydi. Jahon bolalarni himoya qilish kuniga bag‘ishlangan “Qiziqarli yoz” ko‘rik-tanlovi bunga yorqin misoldir. Maxsus Telegram bot orqali ota-onalar farzandlarining yozni qanday o‘tkazishni hohlashlari haqidagi qo‘lyozma xatlari bilan bo‘lishdilar.

     

     

    “Texnomart” xat yuborgan barcha 139 bolaning orzularini ro'yobga chiqardi. Ularning har biriga qiziqarli yoz va unutilmas tajriba yaratish imkoniyati berildi. Bolalar o‘z xohishlariga ko‘ra raqs va sport to‘garaklari, til va matematika kurslari, pazandachilik va chizmachilik to‘garaklariga sertifikatlar hamda oromgohga yo‘llanmalar oldi.

     

    “Biz Oʻzbekistonliklarga nafaqat uskunalar olish va ulardan foydalanish imkoniyatini yaratmoqchimiz. Biz uchun bu mijozlarga haqiqiy foyda keltirishi va ularning hayotini osonlashtirishga yordam berishi muhim. Odamlarning xohish-istaklarini eshitish va ularni hal etishda ko‘maklashish mintaqaviy brend sifatida bizning qo‘limizda. Xuddi shu narsa ijtimoiy faoliyatga ham tegishli. Jamiyatga yordam beradigan resurslarimiz mavjud va bu bizning burchimiz deb hisoblaymiz. Shu bois, biz hamisha mavjud xayriya aksiyalariga qo‘shilish tarafdorimiz, Payme Mahalla loyihasida bo‘lgani kabi, biz ham yiliga kamida bir marta o‘zimizning ijtimoiy tashabbuslarimizni tashkil etishga harakat qilamiz”- dedi  “texnomart” bosh direktori Zayniddin Shamsiddinov


    Do’konlar turlari

     

    «Extra» –  bu o'rtacha turdagi do’kondan maydon jihatdan ancha katta. Nafaqat maishiy texnika, balki ofis, oshxona  va yumshoq mebellari shuningdek hayot uchun zarur bo'lgan boshqa tovarlar sotiladigan do'kon.

     

    «Standart» – uy yaqinidagi maishiy texnika va elektronika do'koni. Qulay joylashuv, bozorlar va professional maslahatchilardan farqli ravishda yoqimli interyer.

     

    «Mini» – bu savdo markazlari va odamlar gavjum joylarda joylashgan uncha katta bo’lmagan ixcham do’konlar. Assortiment smartfonlar, kompyuter texnikasi, gadjetlar va televizorlardan iborat.

     

    Yutuqlar va mukofotlar

     

    «Yil Brendi» Adweek  — har yili o’tkaziladigan reklama va marketing konkursi.

     

    «AdWeek» 2018 — Shaxsiy uslub; do’kon interyeri; Print and outdoor.

     

    «AdWeek» 2019 — Yil brendi 2019

     

    «Yil yutug’i» — Adweek

     

    «Yil mijozi» 2019 — Red Jolbors festivali

     

    «Yil mijozi»; «TAF!» — 2019

     

    chat-open